monte

Carmen Dacosta presentou unha serie de iniciativas parlamentarias para reclamar ao Executivo galego que explique esta decisión, "en contra" dos compromisos adquiridos durante a campaña electoral polo PP.

"Para o campesiñado galego (de Galicia, actualmente dividida entre Polonia e Ucraína e no século XIX parte do Imperio Austrohúngaro) o forestal simbolizaba unha fonte de recursos naturais para cumprir as necesidades existenciais das súas vidas diarias", segundo salienta Joachim Popek.

A nova conselleira do Medio Rural, María José Gómez, asegurou que os incendios "probablemente son intencionados" e que esta é unha cuestión que "vai no ADN da Galiza".

Dous incendios permanecen activos en Crecente e Oímbra.

A multinacional portuguesa móstrase "optimista" na súa intención de que as Administracións do Estado español lle concedan 250 millóns de euros en subvencións para desenvolver a factoría.

Un incendio forestal declarado na tarde desta segunda feira e que permanece activo en Crecente (A Paradanta) supera xa as 50 hectáreas afectadas, segundo o último balance ofrecido pola Consellaría do Medio Rural. O lume iniciouse minutos antes das 20 horas da segunda feira en tres puntos distintos da parroquia de Angudes, o que apunta a que podería ser intencionado. Á primeira hora da mañá desta terza feira continúa activo, aínda que Medio Rural sinala que a evolución é favorábel e espera dalo por estabilizado (paso previo ao seu control). Na zona traballaron até o momento un técnico, 11 axentes, 21 brigadas, seis motobombas, dúas pas, dous avións e dous helicópteros.

A Xunta da Galiza prohibiu as queimas de restos agrícolas e forestais realizadas por particulares a partir desta segunda feira e até novo aviso, o que implica que non se darán máis permisos e que os xa concedidos quedarán en suspenso. Segundo informou o Executivo galego, quedan excluídas desta prohibición as queimas controladas que executa o servizo de prevención en defensa contra os incendios forestais debidamente planificadas e dispondo dos medios de extinción precisos. A decisión tomárona tras avaliar a evolución da situación meteorolóxica e unha vez analizados os diferentes indicadores técnicos que inciden no risco de incendio. Tamén, detallou a Xunta, tendo en conta que a normativa prohibe as queimas cando as condicións meteorolóxicas poidan dificultar o seu control. A Consellaría do Medio Rural solicitou a colaboración da cidadanía para que extreme as precaucións e denuncie calquera actividade delituosa incendiaria da que teñan coñecemento.

O monte gaña terreo na Galiza mentres cae a superficie agraria útil. O proceso iniciado tras a incorporación do Estado español ao Mercado Común Europeo agudízase, até o punto de que Galiza é a comunidade con máis superficie agraria abandonada. Así o reflicten os datos que vén de publicar o Ministerio de Agricultura.

A eucaliptización é unha das características do actual modelo forestal da Galiza. Hoxe, os cultivos de eucalipto e piñeiro ocupan 53.000 hectáreas máis que hai unha década, segundo un estudo do Consello da Cultura Galega que destaca o impacto transformador na paisaxe, no solo e no réxime hidrolóxico do territorio onde se asentan estas especies de crecemento rápido. O auxe dos monocultivos entra en liza con outros asuntos chave nun contexto de cambio climático e abandono do rural: incendios, industria e xestión multifuncional. PP, BNG e PSdeG expoñen as bases do seu modelo forestal.

"O noso inimigo común, como sociedade, é o abandono da actividade no agro e no monte", apunta Besteiro.

A emerxencia cinexética para o xabaril declárase pola Xunta da Galiza poucas semanas despois de que o propio Goberno galego quixese renovar a súa "guerra contra o lobo", precisamente o único depredador natural na Galiza do porco bravo.

O informe Impacto no patrimonio natural e cultural dos cultivos forestais con especies de crecemento rápido, elaborado polo Consello da Cultura Galega (CCG), destaca o impacto transformador do eucalipto na paisaxe, no solo e no réxime hidrolóxico do territorio onde se asenta.

Censuran os "continuos ataques" do presidente da Xunta e do conselleiro de Medio Rural, quen "ameazaron con cambiar a lexislación actual se a xustiza segue fallando a prol das comunidades de montes".

As comunidades de montes veciñais reclaman a retirada do anteproxecto da lei de promoción de beneficios sociais e económicos dos recursos naturais de Galiza, á que presentaron alegacións. Ven a norma como un "aval" para a entrada nos montes comunais de empresas enerxéticas privadas.

A caída da superficie agraria útil favorece o incremento da superficie forestal. A día de hoxe, 33,3% da superficie forestal da Galiza está ocupada polo mato, que supera a superficie cultivada ou a extensión total de prados e pasteiros. O seu avance é consecuencia do abandono rural.

O Ministerio cifra en 51% a superficie arborada de Eucalyptus sp. na Galiza